MINISTÉRIO DO TURISMO, COMÉRCIO E INDÚSTRIA | MTCI TIMOR-LESTE

Seoul – Delegasaun ida husi Komisariadu Timor Leste ba EXPO Coreia 2012, foin lalais neé partisipa iha enkontru ba Dala III konaba preparasaun EXPO Coreia 2012 nebé halao iha Seoul no Yeosu, Coreia do Sul.
Enkontru neé ho objektivu atu haklean partisipantes sira nia konhesimentu konaba criteria no regra nebé define husi Komisaun Organizadora EXPO Coreia 2012, liu-liu konaba programa sira nebé atu halao iha EXPO nebé refere.
Iha abertura enkontru, Presidente Komisaun Organizadora sente honradu no agradese prezensa husi partisipantes nebé mai husi Nasaun no tuir kedas ho diskursu husi Komisariu EXPO 2012 nebé foka liu ba importansia husi Eventu Internasional nebé refere.
Iha mos reuniaun neé, kada seksaun husi Komisaun Organizadora halo aprezentasaun konaba criteria no mekanismu nebé define husi Komisaun Organizadora nudar meiu ida atu orienta partisipantes hodi bele fasilita implementa programas nebé nasaun partisipantes ida-idak prepara ba EXPO Coreia 2012.
Tuir observasaun, eventu nebé konforme Komisaun Organizadora, sei partisipa mós husi Secretário-Geral ONU, Ban Ki Moon, nota katak, wainhira programas hotu konkretiza tuir planu nebé elabora husi Komisaun Organizadora, EXPO Coreia 2012 sei sai eventu ida nebé ho signifikadu bot no serve hanesan ezemplu ba EXPO sira seluk nebé sei realiza tuir mai.
Hafoin enkontru durante loron ida iha Seoul, partisipantes desloka ba Yeosu hodi diretamente preparasaun husi Komisaun Organizadora, liu-liu konaba konstrusaun no fatin nebé harí pavilhaun ba pais partisipante sira nian.
Pavilhaun Timor-Leste nian, Komisaun Organizadora prepara pavilhaun ida ho medida mais ou menus metro kuadradu 29, naruk metru 7.80 no luan metro 4.50 iha parte nebé hanaran (Joint Paviliun) no lokaliza iha terseiru andar husi edifisiu ida nebé prepara duni ba pavilhaun.
Tuir Kordenadora-Geral Timor-Leste ba EXPO Coreia 2012, Isabel Ximenes, konaba preparasaun, parte Timor-leste hahú tiha ona maske ho difikuldades balun, maibe bele dehan katak kestaun hirak neé ho koragem, boa-vontade no empenhamentu husi Komisariadu sempre ultrapasa, neduni nia optimista katak Timor-Leste sei aprezenta buat hotu iha Pavilhaun tuir criteria no regra nebé determina husi Komisaun Organizadora EXPO Coreia 2012.
EXPO Coreia 2012 sei hahú iha Loron 12 fulan Maio no remata iha 12 Agosto 2012, maibe iha loron 30 fulan Junho sei selebra Dia nacional Nacional Timor Leste iha Yoesu.(***)

Dili-Ministru Gil husu ba responsavel konstruktor sira atu aslera servisu, atu nune’e molok Governasaun Aliansa Maioria Parlamentar (AMP) nia mandatu hotu, bele muda ona negosiante sira husi Merkadu Comoro no negosiante sira fa’an iha Trotoar leten iha Sidade Dili ba Merkadu foun ne’e.

Ministru Gil hateten, Konstruksaun Merkadu Manleuana tuir estadar Internasional.

Konstruktor ba Merkadu Manleuana kompania hamutuk ualu (8). Tanba ne’e, Ministru Gil afirma, fulan Marsu, konstruksaun tenki 100% ona.

Intensaun Governu prepara Merkadu Manleuana, atu moderniza fa’an nain sira ne’ebé durante ne’e halao sira nia aktividade iha Merkadu sira laiha kondisaun.

Oras ne’e dadauk, Ministeriu Turizmu Komersiu i Industria halao ona rejistu ba negosiante sira ne’ebe hakarak ba halao sira nia aktividade iha Merkadu Manleuana.

Tuir planu, Governu sei rehabilita mos Merkadu Becora no Taibesi. Media MTCI

DILI-Relasiona ho komemorasaun loron boot Natal 2011 no Tinan foun 2012 Ministeriu do Turismo, Comerciu e Industria halao Operasaun ba Natal ba foos baratu iha distirtu 13 nia laran.

Tuir Gestor Seguransa Alimentar Sancho....katak, tanba kestaun foos ne’ebe mak sempre sai problema boot ba povu sira iha distirtu liu-liu iha area rural, MTCI halao intervensaun ba iha distritu 13 tuir pedido husi autoridade lokal.

“Maibe oras ne’e dadaun iha ona despacho foun katak, MTCI sei halao operasaun Natal iha loron boot Natal no Tinan foun 2012, intervensaun nee sei halao iha sub distirtu 65 iha teritoriu Timor Leste laran tomak,”dehan Gestor ne’e.

Planu ida ne’e hahu ona iha loron Kuarta (14/12) horseik too 31 de Dezembru. Objetivu prinsipal maka, oinsa ita nai populasaun bele hetan foos ne’ebe ho folin baratu iha loron boot ida ne’e nune’e sira bele pasa loron boot ida ne’e ho kmanek liutan.

“Husi kada sub distriu MTCI sei oferese 50 toneladas, se karik latoo sei aumenta tuir nesesidade ba populasaun sira iha subdistirtu ida-idak,”dehan Sancho.

MTCI prepara ona foo hamutuk 3250 toneladas ho karong 25 kg ho nia presu U$ 12.00.
“Ba distritu hotu presu hanesan. Ami mos servisu hamutuk ho kompania iha parte aluga kareta nian no sira sei ajuda ami hodi prepara kareta ba distribuisaun nian. Maibe prosesu distrtibuisaun sei hamutuk ho funsionariu MTCI hodi evita manipulasaun ba presu,”reforsa Sancho.

Intevensaun halao ba iha distritu Covalima Baucau Ainaro Manatatu no sei kontinua ba distirtu Aileu Baucau no Manatutu hodi kompleta.

“Espera komunidade sira kontente hodi operasaun Natal ida ne’e, ho foos ne’ebe mak presu baratu,”espera Sancho. (Media MTCI)

DILI-Hodi fasilita pasageirus ne’ebe mak hakarak halao viagen ba Kupang, Ministeriu do Turismo, Comerciu no Industria hamutuk ho kompania Labadain Diak hahu primeira lansamentu ba Roo Dili Kupang ho nia naran, MV. Citra Jet 03 ne’ebe mak asiste husi Diretor Nasional Turismo Sr. Jose Dias Quintas, Direto Portu Dili, Costantino, Komandante Polisia Maritima Lino saldanha no Diretor Kompania Labadain diak.

Roo Jet 03 sei halao viajen semana ida dala Rua iha loron Kuarta no Sesta ho presu hanesan klase ekonomia sei selu U$ 35.00 no VIP sei selu U$ 45.00.

Tuir diretor kompania Labadain Diak Antonio Amaral X, roo Jet 03 iha nia kapasisdade hodi tula pasajeirus hamutuk 220, sirkuntansia roo nee entre Dili ho kupang durante oras 8 too 9 kada viajen.

Pasajeirus sira sei halao sira nia viajen la uza visa husi embexada Indonesia iha Dili maibe sei uza deit viza on arrival iha Kupang.

Iha fatin hanesan mos Diretor Nasional Turismo Jose Dias Quintas hateten, husi parte governu kontente ho prezensa roo jet 03 tanba bele ajuda ona komunidade ne’ebe mak haraka halao viajen ba iha Kupang ho fasil liutan.

“Husi parte governu ami fo parabens ba ita nia kompania Labadain diak liu-liu ba iha diretor kompania ne’ebe mak iha inisiativa diak hodi hodi fasilita ita nia movimentu ba kupang diak liutan,”dehan Quintas.

Entertantu Diretor Kompania Portu Dili, realsa katak, sira sei kopera ho kompania Labadain diak hodi forma orariu viajen Roo nian entre Dili ho Kupang hodi fo benifisiu ba komunidade iha nasaun rua ne’e. (Media MTCI)

Ható parabéns ba Povo Timor Leste nebé Komemora Loron Proclamação Independência 28 de Novembro ba Dala 36, ho desejos katak liu husi momento históriku ida neé bele aumenta liu tan motivasaun ba ita tomak hodi Konsolida Unidade Nacional no Kontribui ba Prosesu Desenvolvimentu atu nuné timor oan tomak bele sente duni signifikadu husi “Ukun Rasik An” nebé Timor Leste alkansa ona.

MTCI
Gil da Costa A.N Alves

Ministério Tursimo, Comércio e Indústria estabelese koperasaun ho Ministério Infraestrutuas hodi promove Timor Leste liu husi Postais nebé prepara husi parte Média MTCI atu bele utiliza iha Correius TL, ao mesmu tempu nudar meiu ida atu hatudu paizagem no beleza rai neé nian ba nível nasional no internasional.

Postais nebé refere, entrega diretamente husi Directora-Geral MTCI, Manuela Gina Corte-Real ba Director-Geral Transportes e telecomunicações husi MinistérioInfraestruturas, Fernando Cruz liu husi serimonia nebé halao iha Salaun Reuniaun Correios Timor leste iha Díli.

Directora-Geral MTCI, Manuela Gina Corte-Real iha nia intervensaun afirma katak, inisiativa neé ho intensaun atu bele intensifika liu tan parte promosaun TL, liu-liu nia paizagem no beleza iha nível nasional no internasional atu nuné bele atrai interese turistas mai visita no investe iha Timor leste.

Maibe Manuela Corte-Real hein katak inisiativa bele iha nia kontinuidade atu nuné iha futuru beleza rai neé nian konhese husi ema iha mundo tomak.

Entretantu, Director-Geral Transportes e Telecomunicações Ministério Infraestruturas, Fernando da Cruz elojia esforsu husi MTCI iha espektu neé no konsidera hanesan inisiativa nebé importante atu promove correios Timor leste nian, liu-liu correspondensias liu husi postais, nuné mós promove beleza TL nian iha rai laran no estrangeiru.

Hamutuk postais 4.000 mak entrega husi MTCI ba Correios TL no sei utiliza ba correspondensias iha nível nasional to internasional.(Media MTCI)

DILI-Orsamentu Geral do Estadu (OGE)tinan 2011 ba Ministeriu do Turismo, Comercio no Industria (MTCI)hetan aprovasaun ho votus maioria iha Parlamentu Nasional, Kuarta (23/11).

Ministeriu Turismu, Komersiu no indústria (MTCI), liu husi Inspeksaun Alimentar e Ekonímika-IAE, halao sosializasaun ba Lei nebé regula Krimi Asambarkamentu e Espekulasaun, inklui Dekretu-Lei Presu Justu, nebé aprova ona husi Konselhu Ministrus no promulga husi Presidente da Repúblika.

Lei rua nebé refere mak hanesan: Lei No 4/2011 konaba Krimi Asambarkamentu e Espekulasaun no Dekretu-Lei No 29/2009 konaba Presu Justu.

Directora-Geral MTCI, Manuela Georgina Corte-Real iha abertura, hateten katak presiza duni esklaresimentu konaba dokumentu rua neé hodi bele sensibiliza empresarius no komersiantes atu bele konhese diak liu tan lei rua neé hodi evita dúvida wainhira implementa.

Ba participantes, Manuela Corte-Real explika katak, aktividade hanesan kompetensia konstitusional Governu nian no obrigasaun atu diriji no regula aktividade ekonómika no sektor sosial, nuné mós atu proteje konsumidores hodi labele prejudika parte rua neé.
Florentina Smith, Inspectora-Geral IAE, iha nia intervensaun, husui ba emprezarius no komersiantes importadores, grosistas no retalhu sira atu aproveita oportunidade ne’e hodi bele hatene konaba Lei rua neé atu evita hetan sansaun husi autoridade wainhira la kumpri norma hirak neé.

Dekretu-Lei ba Presu Justu ho objektivu atu estabelese forma intervensaun husi Administrasaun Públika iha formasaun presu, atu nuné bele fasilita regula presu ba bens no servisu nebé konsideradu fundamental ba bem-estar populasaun nian.
Regime neé kontribui mós ba justisa sosial no ekonómika familia nian, liu husi prátika presu justu neb’e akompanhadu ho medidas kriminalizasaun no espekulasaun presu.

Konaba Lei Krimi Asambarkamentu no Espekulasaun,atu garante efikasia sansaun ba intervensaun husi Estadu iha rasionalizasaun ba distribuisaun, formasaun no kontrolu ba presu, nuné mós atu hamate pr’atika espekulativa sira, evita mós pr’atika komersila restritiva neb’e ho refleksu negativu konaba presu.

Maibe ho diploma neé molok kriminaliza asambarkamentu no espekulasaun, sei estabelese rejime espesial ida ba krimi hasoru ekonomia, maibe ho natureza públika nebé la hakerek iha Kódigu Penal hodi bele fó protesaun ba merkadus no konsumidores, inklui bens jurídikus nebé merese tutela penal.

Seminariu nebé halao iha Sentru Konvenções Díli-CCD, konta ho prezensa husi emprezarius, komersiantes, funsionarius MTCI rasik, inklui konvidadus seluk.(Media MTCI)

Railaku - Atu hasae kualidade no kuantidade produsaun Kafé Timor molok fa’an iha merkadu, tantu merkado nasional no internasional, presiza tebes situasaun, kondisaun no rekursu humanus, atu oin sa bele prosesa ho didiak kualidade no kuantidade ne’ebe ita hotu espera.
Hatan ba dezafius ne’ebe iha, Governu mak hanesan aman kria situasaun, kondisaun no prepara rekursu humanus atu nune’e bele atinji objetivu ne’ebe iha.
Governu liu husi Ministeriu Turizmu Komersiu i Industria (MTKI), lideradu Ministru Gil da Costa Alves, iha hanoin klean tebes ba dezafiu sira hotu. Nune’e, ho inisiativu hodi fo apoiu ba kompania lokal ho naran Elsa Kafé, Mákina boot produsaun hamutuk 3 ho pakotementu no Mákina natoon 2 atu hamoos Kafé kulit.
Sabadu (10/09), Ministru Turizmu Komersiu i Industria, Gil da Costa Alves offisialmente inagura Edefisiu kompania Elsa Kafé ne’ebe lokaliza iha Sub-Distritu Railaku, Distritu Ermera.
Elsa Kafé durante ne’e koinesidu hanesan kompania ne’ebe halo produsaun Kafé Timor.
Diretur Nasional Industria, Antonio de Araujo esplika, apoiu ne’ebe Governu fo ba Elsa Kafé ne’e ho objektivu atu Elsa Kafé bele hadi’ak liu tan kualidade produsaun Kafé ba Merkado (proses menjadi barang jadi)
Total orsamentu ne’ebe Ministeriu Turizmu Komersiu i Industria liu husi Dirasaun Nasional Industria apoiu ba kompania Elsa Kafé hamutuk kuaze U$D 140 ital mil.
Iha okajiaun inagurasaun Edefisiu Elsa Kafé, Ministru Gil da Costa Alves iha nia intervensaun subliña, apoiu ne’ebe Governu fob a Elsa Kafé tamba iha avaliasaun Elsa Kafé durante ne’e halao ona produsaun Kafé Timor, tamba ne’e, Ministru Gil Alves fiar katak, ho apoiu ne’ebe iha bele hakbiit liu tan Elsa Kafé atu atende nesesidade konsumidores Kafé Timor iha Merkadu.
“Ita nia Kafé Timor iha nia gostu oi-oin, maibe so ita tenki hatene koidadu no prosesa. Maibe hau fiar katak, Elsa Kafé bele halo ida ne’e, no bele hatudu ba Mundu Kafé Timor mak diak liu,” subliña Ministru Gil da Costa Alves.
Entertantu iha fatin hanesan, Responsavel Jeral Kompania Elsa Kafé, Manuel Rocha afirma, preparasaun ba produsaun Kafé iha Timor presiza tebes ho didiak, tamba kualidade Kafé iha Timor diferente, entre Distritus no Sub-Distritu sira.
“Kafé Ermera la hanesan ho Kafé Aileu, hanesan mos Kafé Aileu la hanesan ho Kafé husi Ainaro no Maubisse. Nune’e mos Kafé iha fatin seluk iha Timor laran tomak,” hateten Manuel Rocha.
Manuel Rocha lori komapnia Elsa Kafé nia naran hatoo agradese ba Governu liuliu Ministeriu Turizmu Komersiu i Industria, tamba bele tau atensaun diak ba hasae kualidade no kuantidade Kafé Timor.
Iha biban ne’e, Diretur Nasional Industria, Antonio de Araujo Soares, mos afirma, nia parte sei kontinua fo apoiu nafatin ba aktividade industria tomak iha rai laran, atu nune’e bele kaer metin nafatin kualidade no kuantidade produsaun rai laran molok assesu ba Merkadu. Media MTCI

Díli- O Ministério do Turismo, Comércio e Indústria, através da Direcção Nacional de Indústria, junto dos beneficiários, assinaram os contratos que consistem em apoiar a implementação dos programas de acordo com as propostas apresentadas por estes à Direcção Nacional de Indústria do MTCI.
O Director Nacional de Indústria, António de Araújo, informou que são 136 grupos provenientes de 13 distritos, identificados através das propostas apresentadas pelos mesmos à Direcção nacional de Indústria.
Depois da execução do orçamento cedido pelo Ministério, os beneficiários são obrigados a apresentarem os relatórios das suas actividades, a fim de facilitar o Ministério em verificar os resultados.
O Ministro do Turismo, Comércio e Indústria, Gil da Costa Alves na sua intervenção explicou que esta actividade é também um dos programas do IV Governo Constitucional com o objectivo de apoiar a comunidade no desenvolvimento das pequenas actividades industriais, que possam ajudar a elevar o seu nível de economia.
O Ministro aconselhou os beneficiários para serem mais creativos na implementação dos programas, visto que o resultado beneficiará o próprio, deixando assim depender apenas do governo.
Carlos B. Soares, responsável da “Iindústria Haburas Tahu Tempe”, como um dos beneficiários mostrou-se satisfeito com o rpograma do Ministério e prometeu que irá esforçar no sentido de executar o orçamento cedido pelo governo segundo a rpopsta apresentada.
A cerimónia da assintaura do contrato decorreu no Centro de Convenções de Díli, contando com a presença dos Inspectores e Directores do Ministério do Turismo, Comércio e Indústria. Media-MTCI