MINISTÉRIO DO TURISMO, COMÉRCIO E INDÚSTRIA | MTCI TIMOR-LESTE

DILI-Governu liu husi Ministeriu do Turismo, Comersiu no Industria (MTCI) intrega sertifikadu no ajudus hanesan osan ba partisipante Feira 20 de Maio ne’ebe mak hetan valor diak durante halao feira semana ida iha kampu Demokrasia, Dili (15-21.

Grupo ne’ebe mak mana premiu no sertifikadu mak hanesan Grupo husi Distritu Baucaun ho nia valor 2.135, grupo husi Manufahi ho valor 1725 no grupo husi Aileu ho valor 1720. Ba primeiru lugar sei hetan premiu hanesan osan ho valor US$ 100.00, segundu lugar US$ 50.00 no terseiru lugar US$ 35.00.

Prosesu avaliasaun ne’ebe mak Komisaun organizadora halao, tuir KOordenador Geral, bazeia ba kriterius tolu hanesan, avaliasaun ba baraka/stand ne’ebe involve asuntu dekorasaun, organzasaun espasu no organizasaun ba sasan. Haree mos ba materia ne’ebe mak tau iha stand ida-idak hanesan brosura, spanduk no seluk tan. Kriterius ikus liu mak vigilansia stand, partisipante sira tenki komprende ba materia expozisaun nian, delikadeza iha atendimentu ne’ebe mak diak no unifrome.

Iha deskurusu ba serimonia inseramento, Diretor Nasional Comercio Domestiku Fernando Hi da Silva ne’ebe sai mos hanesan komisaun organizadora husi parte governu hateten, feira ne’ebe mak halao durante semana ida ne’e lao ho susesu no hetan antusiasmu makas husi komunidade iha kapital Dili.

“Feira 20 de Maio 2010 lao ho diak tebes no hetan susesu iha nia realizasaun, grasa ba kontribuisaun no antusiasmo mai husi visitantes sira hotu ne’ebe mak mai visita feira ida ne’e. Tuir ami komisaun oranizadora nia observasaun lor-loron kuaze ema 10.000 mai vista feira ida ne’e,”informa Fernando Hi.

Liu husi feira ida ne’e, Fernando Hi hateten, hetan oportunidade atu konese diak liutan produtus lokais hirak ne’ebe hatudu iha baraka de expozisaun.

“Ita konese ona produtus lokais ne’ebe mai husi distritu ida-idak, hodi bele hatene distigue no fo valor ba ita nia rai nia produtus rasik, no ita hatudu duni ida ne’e,” Nia apresia.

Antes atu taka nia deskursu Fernando Hi, hatoo mos agradese ba parseiru ne’ebe mak durante fo ajudus hodi feira ida ne’e bele lao ho susesu.

“Feira ida ne’e sei la susesu karik laiha kontribuisaun husi Autoridades distritais, komisaun organizadora no koordenador geral, Asosiasaun Comercial da Comunidade Chinese Timor Oan no mos empresas ne’ebe mak relevante no la haluha mos ba kontribuisaun husi Polisia Nasional Timor Leste ba area seguransa nian,”agradese Fernando.

Partisipante ne’ebe mak partisipa iha feira ida ne’e, senti haksolok no husu ba governu atu kontinua halao feira ida ne’e no husu atu habelar feira ida ne’e iha distritu 13 nia laran. Tamba tuir partisipante sira katak, feira ida ne’e sai mos hanesan kampu de servisu ida ba sira tamba liu husi feira ida ne’e sira bele hetan rendimentu oituan husi produtus ne’ebe mak sira faan.

Alende ne’e mos visitantes sira mos husu ba governu atu kontinua halao animasaun ba populasaun liu husi programa feira, tamba tuir sira katak, atraves de feira ida ne’e Timor oan mos bele halibur aan no hanesan mos fatin animasaun ba joventude, familia no mos ba labarik sira.

Partisipa iha enseramentu feira ida ne’e, empresarius, korpus diplomatikus no parte governu no inklui mos komunidade kapital Dili. (Media-MTCI)

MADEIRA – Ministru Turismu, Comerciu no Industria (MTCI), Gil da Costa Alves hamutuk ho Embaixadora Timor-Leste iha Lisboa, akompanhadu ho emprezáriu balun, foin lalais ne’e hala’o vizita ida ba Rejiaun Madeira durante loron rua.

Objetivu husi vista iha Madeira ida ne’e, hasoru malu ho empresarius Portuguese no mos Presidente Governu Rejional nian iha Alberto João Jardim nu’udar aman ba Rai Madeira iha Quinta Vigia.

Tuir MInistru Gil, visita ida ne’e pozitivu teb-tees tamba hetan reasaun diak husi Presidente Governu Rejional nian. Iha enkotru entre Presidente Governu Rejional ne’e, koalia liu kona-ba koperasaun nebé konkretu laos deit iha area turizmu, maibé iha mós assistências técnicas nó troka informasaun hó Rejiaun Autónoma.

“ Importante tebes ami rona eisperiensia Madeira nian. Ninia história , paresida tebes hó Timor nian, ne’ebé buka agora atu dezenvolve a´an. Ida ne´e sei serve barak , laós de´it tanba Madeira povu maun-alin ida , maibé tanba mós husi karakterístikas naturais sira nebé paresidu hó Timor, hó sektor sira ne´ebé dezenvolvidu tiha ona ne´ebé bazikamente iha similaridades hó ami nian rain,” informa Minstru Gil.

“Rai Madeira sai tiha hanesan referensia konkreta kona bá oinsá dezenvolve país ida ,wainhira koalia kona bá ami nia situasaun ne´ebé hanessan hó rai Madeira, iha tinan 30 kotuk ba,”hatutan Gil.

Aproveitamentu oportunidade ida ne’e mos, Ministru Gil hatoo mos ilujia susesu ne’ebe mak rai Madeira hetan hanesan iha area infraestruturas, serbisu dezenvolvidu iha kapítulo obras bázikas, hanessan, rede bé nian , parkes industriais, iskola sira nó buat hirak ne´ebé ligado bá turizmu nó sektor industrial.

“Ne´e mak ezemplu sussesu ida , forma oinsá rai Madeira hatene aproveita rekursus tomak ne´ebé iha nia “caixa” rasik , nune´e mós ajudas sira ne´ebé mai husi União Europeia ka husi Governu sentral. Ne´e mak prátika ida ke diak tebes hodi hasai proveitu efikaz iha uzo konabá rekursus finanseiru sira,” nia hateten.

Alende mos Ministru ho nia komitiva halao mos visita ba Lisboa nó Santarém hodi partisipa iha inkontru hó emprezáriu portugues iha area grupo hoteleiro madeirense Dionísio Pestana. haré mos empreendimentos balu husi grupo ne´e nian, hodi nune´e ministru timorense hatudu nia interesse atu buka mós hala´o iha Timor.

“To´o ona tempu atu haré mós bá Timor. Sá tan , agora dadauk ne´e iha menus kompetitividade duké tempu nebé sei mai iha tinan lima bá oin mai. Agora mak tempu atu sira bele tama , até porque ita nia kultura mós iha abut ida de´it nó, hanessan ne´e, preferensia tenki fó liu bá ami nia maun - alin sira. Maibé , karik maun-alin sira atraza, ne´e mak problema,”tenik Gil.

Ministru Gil Alves insentiva fila fali bá ideia katak, Timor tenki distingui bá diferensa kona bá destinos turísticos seluk iha tempo besik mai ne´e iha sudoeste aziátiku nó ohin loron sai potensias tebes .

“Timor tenki iha diferensa hó nuanse latinu timorense, hodi bele sai situasaun ida ke úniku iha Ázia,” Gil afirma.

visita ba nasaun Portugal ne’e mos, fo tempu ba MInistru TCI ho nia delegasaun partisipa iha
briefing ida nebé konta hó prezensas directora regional do Turizmo, Raquel França, directora ezekutiva da Associação de Promoção da Madeira, Kátia Carvalho, presidente dos Portos da Madeira, Bruno Freitas nó director ezekutivu dos Aeroportos da Madeira, Duarte Ferreira. Inkontru ne´e halao iha Secretaria Regional do Turismo e Transportes.

Remata enkotru ida ne’e, delegasaun Timor Leste vizita mós Escola Profissional de Hotelaria e Turismo da Madeira no partisipa mos reuniaun ida hó reitor Universidade da Madeira nó hó reprezentante da República bá Região, Monteiro Diniz, iha Palácio de São Lourenço.

Vizita ne´e ramata hó inkontru hó presidente da Assembleia Legislativa da Madeira, Miguel Mendonça.

Lisboa : Ministru Turismo, Comersiu no Industria Timor Leste, Gil da Costa Alves halao visita ba Portugal hodi hasoru malu ho nia homologu Ministru Turismo, Comersiu no Industria Portugal, José Antonio Vieira da Silva.

Obejtivu husi enkotru ida ne’e, atu hametin tan relasaun diak entre Timor Leste no Portugal iha area Comersiu no Turismo nian.

Enkotru ida ne’e tuir Ministru Gil, hanesan oportunidade ba Timor Leste hodi estuda husi nasaun Portugal liu-liu kona-ba Comersiu nian, nune’e iha futuru mai Timor Leste bele tama mos iha Mercado Europa.

"Enkontru ne´e fó konfiansa bá ami katak iha buat barak atu halo. No Portugal mós dispostu atu kopera hó ami . Nune’e husi parte rua ne’e bele aproveita merkado Ásia nó merkado Europa , nó iha vontade ke hatudo momós husi Ministru Ekonomia Portugal nebé hatan assutu bá aspirasaun konabá dezenvolvimentu timor oan sira nian", tenik Gil Alves.

Gil mos haktuir katak, Timor-Leste tenki "aproveita vantagens" ne´ebé iha , hanessan povo maun-alin ida ne´e iha Europa ne´ebé fó liman bebeik hodi ajuda Timor Leste.

Ministru timorense adianta mós katak , sei estuda kona bá konkretizasaun entre país rua ne´e konabá “akordu ida , partikularmente iha área eksplorasaun vantajem estratejika Portugal nian iha Europa no Timor iha rejiaun Sudeste Asiátiku. Objektivu akordu ne´e sei assina iha fulan Agosto.

"Projeta ne’ebe mak sei asina husi nasaun rua ne’e, iha assuntu ekonómiku atu halo eksplorasaun ba merkadu sira nebé haleu ida idak nia nasaun "dehan Gil Alves.

Iha enkontro entre líderes nain rua ne´e, koalia mós konabá realizasaun seminar ida konabá oportunidades bá negósiu sira iha Timor-Leste, nebé sei hala´o iha loron 19 mai ne´e fulan ida ne´e nian iha auditório da Agência para o Investimento e Comércio Externo de Portugal (AICEP).

Marka mós prezensa iha enkontru ne´e, Embaixadora Timor-Leste iha Portugal, Natália Carrascalão, Sekretáriu Estado husi Turismo nó Komérsiu , Serviços no Defesa do Consumidor, respectivamente , Bernardo Trindade nó Fernando Serrasqueiro, nune´e mós presidente AICEP, Basílio Horta. (Media-MTCI)

DILI-Hodi komemora loron restaurasaun da independensia Timor Leste nian ne’ebe mak monu iha loron 20 de Maio, Ministeriu Turismo Comersio no Industria hamutuk ho Asosiasaun Empresarius Xineses organiza eventu feira nasional ne’ebe mak halao iha kampu Demokrasia iha loron 15-21 de Maio.

Eventu ida hanesan parte ida hodi anima komunidade iha sidade Dili no mos halao promosaun ba produtus lokal ne’ebe mak povu agrikultores produs.

“Objetivu seluk husi expo ne’e atu foo konese produtu lokal para hasae produsaun hodi hatudu ba mundu katak, Timor Leste iha nian produtu,”dehan Presidente ACCCTO Lay Sio iha nia deskursu ba abetura Expozisaun refere.

Iha fatin hanesan mos, Vise Primeiru Ministru asuntu Sosial, Jose Luis Guterres hateten, expozisaun ne’e importante hodi hatudu ba mundu ita saida mak Timor Leste iha.

“Politika ne’e importante hodi insentiva produsaun lokal nian. Hadia ita nia produtus atu nune’e aban-bainrua kuandu kuandu ita nia Turismo deznvolvidu ona, ema barak husi rai liur bele sosa ita nia produsaun ne’ebe mak ita niapovu produs,”dehan Jose Luis.

Alende ita tau matan ba produtus lokal artesenatus, Timor Leste mos bele transforma produtus produtus industriais hodi bele halao exportasaun ba rai liur.
Razaun tamba sa mak expozisaun la halao iha antigu Mercado, Vise PM ne’ehatete, komesa iha fulan kotuk ba, antigu mercado ofisialmente sai ona centru konvensaun internasional tamba ne’e governu deside hodi halao fali expozisaun iha kampu demokrasia hanesan centru de sidade.

Entertantu Komisaun Organizadora Fernando Hi da Silva iha nia relatoriu badak hateten, feira 20 de Maio hanesan programa permanente MTCI nian ne’ebe mak halao tinan-tinan hodi komemora loron restaurasaun da independensia ba dala walu.Ba tinan ida ne’e, MTCI hili topiku ida hanesan “Uza Produtus Rai Laran Haburas Moris Diak,”.

“Obejtivu mak atu promove no fo valor ba produtus lokais nu’udar eventu ida ne’ebe halo ligasaun investimento interno no investimentu externo, hodi bele promove setor hanesan Turismo, Comercio, Industria no seluk tan,” dehan Fernando Hi ne’ebe mak kaer pasta hanesan mos Diretor Nasional Comercio Domestiku.

Objetivu seluk tuir Fernando Hi katak, hodi anima populasaun iha kapital Dili ba loron espesial 20 de Maio. Tuir nia katak, hodi eventu ida ne’e lao ho diak MTCI mos hetan suporta husi Setor Privado no mos ministeriu sira seluk. MTCI fo fiar ba setor Privado hodi intrega responsabilidade sai nu’udar organizador ba aktividade iha dezenvolvimentu, tamba ne’e MTCI involve ona setor privado iha programa MTCI nian.

“Setor Privado nu’udar pilar ida, ih adezenvolvimentu Nasaun ida ne’ enia laran, partisipasaun sira nia importante tebes ba eventus ne’ebe iha relasaun kona-ba promosaun Timor Leste atu hametin investimentu ba Turismo i no mos fo sai ba mundu atu knese diak liutan Timor oan nia produtus, kultura no seluk tan,”informa Fernando.

Tuir relatoria ne’ebe mak iha total orsamentu ne’ebe mak utiliza hodi halao eventu ida ne’e hamutuk US$ 50.000.00. no osan ne’ebe mak suporta husi Asosiasaun Comercial Comunidade Xineses Timor oan hamutuk US$ 49.000.00 ne’ebe mak kompleta osan hamutuk 99.800.00.

Baraka ne’ebe mak MTCI prepara hamutuk 43 ne’ebe mak prienxe husi grupos industria kiik no mos Ministeriu Economia e Dezenvolvimentu, Ministeriu da Edukasaun, Ministeriu Argikultura no Peskas, Ministeriu Saude ne’ebe hatudu servisu ne’ebe mak sira halao durante ne’e. Partisipante indutria kiik sira mai husi distritu 13 nia laran ne’ebe mak lori sira nia produtus lokais hanesan artesenatus, hahan tradisional no mos produtus ba mikro industria nian.

Partisipante iha expozisaun ida ne’e mak hanesan, Vise Primeiru Ministru asuntu Sosial Jose Luis Guterrese, Corpus Diplomatiku no jogador ekipa Clubu Futebol Benfica Portugal Nuno Gomes ho nia komitiva. expozisaun ida ne'e mos hetan visita husi Presidente da Republika Jose Ramos Horta. (Media-MTCI)

Ministério do Turismo Comércio e Indústria
República Democrática de Timor-Leste

Caros Amigos,
É do nosso conhecimento que o turismo é uma das maiores indústrias no mundo ; ele não constitui apenas um meio eficaz para sustentar o crescimento económico mas actua também como a ponte para a paz.. O Turismo em Timor-Leste encontra-se ainda em sua fase primordial, mas temos a certeza de que já podemos oferecer uma ampla gama de experiências maravilhosas para os visitantes. O Sector do Turismo de Timor-Leste dispõe de um enorme potencia turístico . É um País dotado de extraordina beleza natural , com um cenário espectacular das regiões montanhosas do interior , praias encantadoras e um dos melhores recifes de coral do mundo. Situado dentro do triângulo de coral, o "Amazônia do mar", Timor-Leste possui uma reputação como um dos melhores destinos para a prática de mergulhos do mundo, graças ao nosso pristine marinho e a extraordinária biodiversidade.

Gostaria de encorajá-lo a explorar as nossas comunidades rurais, desfrutar através de excursões a pé as nossas florestas e montanhas e experimentar as múltiplas variedades impressionantes de nossa cultura nacional e história de vida. Creio que, uma vez visitando o país você terá uma experiência inesquecível e vai querer voltar mais vezes. Você sempre pode ter certeza de uma recepção calorosa de boas-vindas.
Com os melhores cumprimentos,


Gil da Costa Alves, MBA


Mensagem do Director Nacional de Turismo

Ministério do Turismo, Comércio e Indústria
República Democrática de Timor-Leste

Caros amigos e colegas,

Timor-Leste não é apenas uma das Nações mais recentes no mundo, mas também o destino mais novo da Região da Aásia e Pacífico. Estamos realmente orgulhosos dos múltiplos e mais variados meios e recursos de turismo do nosso país; Timor-Leste tem muito para oferecer aos visitantes que desejam experimentar uma natureza virgem e descobrir uma cultura e um modo de vida diferente . É importante protegermos os diversos elementos que se combinam para fazer Timor-Leste um destino exclusivo para férias . Por isso , na nossa abordagem sobre o desenvolvimento do turismo debruçamo-nos principalmente sobre o turismo com base na natureza. Achamos que o turismo em massa não é adequado num País de uma pequena ilha como a nossa, mas o nosso objetivo é criar uma indústria de turismo sustentável e ecológico. O povo de Timor-Leste tem uma forte cultura de hospitalidade e esperamos para mostrar a todos os visitantes todo o encanto e maravilha que se experimenta durante uma visita a Timor-Leste , a experiência de uma viagem para uma vida inteira. Timor-Leste congratula-se com os viajantes responsáveis que sabem quão importante é respeitar o valor e a integridade do ambiente e do património cultural. Esperamos vê-lo em breve.

Com os melhores cumprimentos !

José Filipe Dias Quintas, SE, BA (Hons)

Ministru Turismo, Comerçio no Industria Gil da Costa Alves iha Sabadu (08/05) foin lalais ne’e ho nia delegasaun ne’ebe mak kompostu husi Diretor Nasional Finansas Antonio de Araujo, Diretor Nasional Turismo Jose Quintas, Inspector Inspeksaun de Jogos Miguel Lobato, Diretor Nasional Industria no Inspectora Geral Alimentar e Economico Dra. Florentina C. P. M Smith, halao visita ba Portugal durante semana rua nia laran hodi partisipa iha seminario kona-ba Turismo iha Ilha da Madeira, Portugal durante loron rua nia laran hahu husi 14-15 de Maio, Ministru TCI hetan konvida husi Asosiasaun de Turismo Portugal.

Alende partisipa iha Seminario ida ne’e, Ministru ho nia delegasaun mos antes ne’e akompanha misa ne’ebe mak halao husi Amu Papa Bento XVI iha Terreiro do Paço, Portugal no halao mos enkotru Bilaterais hamutuk ho empresarius Portugueses durante loron tolu (12-17-18/05).

Iha kuarta-feira, 19 de Maio Ministru ho nia delegasaun halao visita ba Torres Novas/ Vila Velha de Rodão hodi partisipa seminario ne’ebe mak organiza husi empresarios portugueses. Iha loron 20 de Maio Ministru ho delegasaun sei halao komemora loron restaurasaun da indepensia Timor Leste iha Palasiu Foz hamutuk ho komunidade Timorense iha Lisboa, Portugal.

Remata de visita iha portugal Ministru ho nia delegasaun sei aranka kedan ba iha Brazil iha loron 22 de Maio de 2010.(Media MTCI)

Maubara- Ministeriu Turismo, Comersiu no Industria servisu hamutuk ho USAID no Coperativa Mós Bele organiza segudu Feira Maubara ne’ebe mak halao iha Maubara, Likisa Sabadu (08/05). Eventu ne’e hanesan parte ida hodi fo mercado ba produtus lokal no dalan ida atu promove diak liutan produtus lokal ne’ebe mak industria kiik sira produs.

Eventu ida ne’e hanesan mos programa anual husi MTCI ne’ ebe responsabiliza husi Diresaun Nasional Industria, ne’ebe durante ne’e suporta industria kiik iha distrtiu 13 nia laran. Iha feira loron ida ne’e, grupo industria kiik hamutuk 20 ne’ebe mak maioria grupos artesenatos ne’ebe mak partisipa, hetan oportunidade hanesan atu hatudu produtus ne’ebe mak sira produs no halao mos demostrasaun ba prosesu oinsa halo produtus hirak ne’e.

Presidente da Republika (PR) José Ramos Horta ne’ebe mak halao visita ba feira ida ne’e akompanha husi Ministru Economia e Dezenvolvimento (MED) João Gonçalves, senti haksolok tamba produtus ne’ebe mak Timor oan produs komesa iha nia kualidade.

“Timor oan sira ohin loron komesam kreativu liutan, no produtus barak iha mudansa no nia kualidade kapas liutan,”dehan Presidente da Republika.
Horta mos apresisa tebes ba grupo joventude balun ne’ebe mak involve aan iha grupos koperativa ne’ebe mak esforsu aan makas hodi promove no dezenvolve produtus lokal.

“Hau apresia ba joventude balun ne’ebe mak hakarak kontribui ba nasaun ne’e liu husi harii koperativas hodi hatudu kreatividades ne’ebe mak sira iha,”apresia PR.

Presidente reforsa katak, produtus artesenatos ne’ebe mak Timor oan produs hetan atensaun makas husi nasaun sira seluk tamba sai hanesan produtus ne’ebe mak uniku liu.

“Wainhira hau halao viagen ba nasaun liur, hau sempre lori ita nia produtus hanesan Tais, Kafe hodi hatudu ba boot sira iha liur no sira hakfodak tebes ho produtus ita nian. Hau mos lori ba Los Angeles no Hollywood no ita nia produtus hirak ne’e hanesan tais konesidu tebes ona iha mundu. Sira apresia tebes ba Tais Timor nian ne’ebe mak uniku tebes,”dehan Horta.

Neneik-neneik tuir Horta, industria kiik sira bele melhora diak liutan produtus lokal. No governu liu husi programa Luta Contra Pobreza fo atensaun tebes ba produtus lokal hodi haruka ema barak halao kursus iha nasaun liur ne’ebe mak nia iha esperiensia diak tebes kona-ba hadia kualidade produtus.

“Iha futuru Timor nia produtus iha kualidade diak liutan duke sasan ne’ebe mak importa husi nasaun liu ne’ebe mak laiha kualidade. Tamba ita nia produtus ne’e tama ona iha mercado Portugal, Australia no nasaun seluk. Ita tenki apresia ba ita nia produtus rasik,”informa PR.

Presidente Horta mos husu ba industria kiik Timor Leste atu esforsu makas hodi hadia kualidade produtus hodi bele kompete ho produtus husi nasaun seluk.

“Iha fulan oin mai Timor Leste sei partisipa iha Expozisaun Shanghai-Cina. Ne’e hanesan oportunidade diak ba ita atu hatudu ba mundu saida mak Timor Leste iha. Husi eventu ida ne’e mundu bele konese produtus lokal Timor Leste nian ne’ebe la sees mos husi produtus sira seluk,”haklaken Presidente.

Iha oportunidade ne’e mos, Presidente da Republika, hatoo parabens ba industria kiik Timor Leste ne’ebe mak maske iha limitasaun barak maibe kontinua esforsu aan makas hodi promove no dezenvollve produtus lokal.

“Hau mos apresia tebes ba industria kiik sira maske sira mana osan kiik husi faan produtus lokal no gasta energia barak maibe sira kontinua esforsu aan makas hodi dezenvolve. Tamba estadu sei kontinua tulun no buka dalan ba sira nune’e sira nia produtus bele dezenvolve laos deit iha mercado nasional maibe mos tama iha mercado internasional,”dehan PR.

Iha fatin hanesan mos Ministru Economia no Dezenvolvimentu konvida koperativas ne’ebe mak ladauk hetan suporta husi governu liu-liu MED atu registu iha MED nune’e bele hetan kapasitasaun no hetan oportunidade atu tuir mos kursu iha nasaun Indonezia (Bali) nune’e bele hadiak liutan kualidade produtus artesenatus.

Alende ne’e mos, partisipante ne’ebe mak partisipa iha eventu ne’e, agradese ba governu liu husi Ministeriu Turismo, Comersiu no Industria no nia parseiru ne’ebe mak iha hanoin diak hodi organiza eventu hirak ne’e, tamba liu husi eventu refere alende bele fo oportunidade ba sira hodi halao promosaun ba produtus lokal maibe mos fo tempu mos ba sira hotu hetan rendimentu oituan husi produtus ne’ebe mak sira faan iha feira refere.

Partisipa iha feira ida ne’e, Presidente da Republika Jose Ramos Horta, Ministru Economia e Dezenvolvimentu Joao Gonçalves, Embaxadores iha Timor Leste, populasaun no mos komunidade estrangeirus. Feira ne’e alende halao promosaun ba produtus lokal hetan mos animasaun husi grupos banda lokal no mos apresenta animasaun ba labarik sira. (Media-MTCI)

DILI – Inspectora Geral Alimentar e Ekonomia (IAE) Ministeriu Turismo, Comerciu no Industria (MTCI), Dra. Florentina C. P. M Smith hatete, iha tinan ida ne’e, MTCI sei prepara 5 Milliaun dollar Amerikanu para kompra produtu lokal.

“Maske nune’e, prosesu kompra produtu lokal ne’e sei demora oituan. Alem de presiza fo tempu ba agrikultor sira para bele koleita sira nia koto, hare no produtu sel-seluk tan, IAE mos sei prepara armazem iha distritu no sub distritu ne’ebe foin mak intrega xave husi kompanhia,” hatete Florentinha iha konfrensia da imprensa ne’ebe hala’o iha ninia kna’ar fatin, Matadouro, Dili, Tersa-Feira (4/05).

Tuir inspectora geral ne’e, 5 milliaun dolar Amerikanu ne’ebe IAE prepara, para sosa 7.500 toneladas produtu lokal, kompostu husi hare, batar, forré keli, forré mungu, koto, mina nú no masin.

“Tuir planu, programa Povu Kuda, Governo Sosa ne’e sei hala’o iha Junhu to’o Julhu nia laran. Tamba ne’e, IAE apela ba agrikultor sira atu prepara ona sira nia produtu para bele fa’an ba governo, liu husi kompanhia ne’ebe sai nuudar agente ba governo,” nia hatete tan.

Hatan ba perguntas konaba ligasaun servisu ho Ministeriu Agrikultura, Florentina dehan, MTCI no ministeriu kompotente inklui mos FAO, WFP no selu-seluk tan forma tiha ona ekipa ida para haree programa ida nee.

Durante ne’e servisu konjunta ne’ebe MTCI hala’o ho Ministeriu Agrikultura lao diak. Ministeriu Agrikultura mak prepara dados konaba potensial produtu lokal kada distritu. Ho ida ne’e, ekipa husi IAE bele identifika produtu molok kompanhia sira tun para kompra produtu lokal.

“MTCI iha mos akordu ho Ministeriu Edukasaun, para bele suporta merenda escolar liu husi fornhese fos rai, koto, forré mungu no forré keli. Alem de ida ne’e, MTCI mos prontu para apoio ajuda humanitaria ne’ebe servisu hamutuk ho Ministeriu do Solidaridade Sosial (MSS).”

Konaba armazem MTCI, tuir Florentina, agora iha ona distritu Maliana, Maubessi, Suai no Oecusse. “Ami mos sei kria kondisaun. Konserteja, produtu lokal ne’ebe mak ami kompra, ami sei aloka besik liu iha rejiaun ne’ebe ami koloka tuir armazem ne’ebe mak iha,” Inspectora Geral IAE ne’e hatete. MEDIA-MTCI

LACLO – Governo IV Konstitusional ne’ebe lidera husi Primeiru Ministru Kay Rala Xanana Gusmão, sempre buka nafatin solusaun para bele resolve problema sosiais iha rai laran. Liu-liu ba invalidos no idozos, para sira mos bele sente moris iha tempu Ukun Aan.

Ministru Turismo, Comerciu no Industri (MTCI), Gil da Costa A.N Alves, hatete lia hirak ne’e, wainhira hasoru malu ho ferik no katuas sira iha Aldeia Ilimanu, Laclo Vila no Reabuticeo, Sub-Distritu Laclo, Distritu Manatuto, durante loron tolu (27-29 Abril). MTCI hala’o visita ba aldeia tolu ne’e relasiona ho aktividade reajustamentu ba invalidos no idozos iha distritu refere.

Tuir MTCI, prosesu ne’ebe agora STAE hamutuk ho ekipa Ministeriu Solidaridade Sosial (MSS) no Minsteriu Saúde (MS) hala’o, hanesan parte ida husi atensaun governu ba ferik no katuas sira.

“Nu’udar Xefi Governu, Primeiru Ministru Xanana Gusmão hakarak ema hotu-hotu iha nasaun ida ne’e bele sente ho Ukun Aan. Mais um menus, bele goza oituan iha sira nia vida lor-loron. Tan ida ne’e, Primeiru Ministru obriga ministru no ministra sira tuun hotu ba baze, para bele haree no akompanha besik liu tan prosesu reajustamentu ba invalidos no idozos sira,” hateten Ministru.

Iha aldeia tolu ne’e, ministru TCI ne’ebe akompanha husi Direitor STAE, Tomas Cabral no Administrador Distritu Manatuto, Elvino Bonaparte husu mos ba ferik no katuas sira, para hatudu dadus kompleta no los. “Governo rekonhece katak ema barak mak sei triste tamba dadus seidauk los. Tan ida ne’e, sei iha tempu iha semana rua nia laran para bele resolve problema hirak ne’e,” dehan ministru.

Hatan ba preokupasaun juventude iha Aldeia Reabuticeo tamba to’o agora seidauk hetan atensaun husi governo, Ministru Gil hatete, komponente hotu-hotu iha nasaun ida ne’e, sei hetan valor ba sira nia luta. “Tan ida ne’e, lalika laran taridu tamba sei iha ajuda ba joven aswain sira,” dehan ministru TCI.

Maske nune’e, ministru fo hanoin ba joventude sira atu labele hein deit buat ida atu mai. Mais, tenki haforsa aan nafatin para bele servisu maka’as liu tan, iha ida-idak nia vida loro-loron.

Ministru Gil Alves mos fo parabens no agradece ba ekipa husi STAE, Saúde no MSS tamba esforsu ne’ebe sira hala’o durante ne’e.

Fos MTCI
Hatan konaba problema fos MTCI ne’ebe to’o agora seidauk to’o iha baze, Ministru Gil hatete MTCI sei uza mekanismu foun para bele atende fos ba komunidade ne’ebe kbi’it laiha para sosa fos.

“MTCI sei tula rasik fos to’o sub distritu ne’ebe iha asesu dalan diak. Fos hirak ne’e sei fa’an iha kios ka loja ne’ebe hetan autorizasaun husi MTCI. Ho ida ne’e, preokupasaun konaba folin ne’ebe durante ne’e hetan manipulasaun husi espekulantes sira, bele resolve,” hateten ministru.

Durante ne’e, prosesu distribusaun fos MTCI hetan intervensaun maka’as husi espekulantes sira iha Dili. “Sira lori xefi suku nia naran ho dados para bele hetan atendementu husi armajem MTCI. Mais realidade, fos hirak ne’e sira fa’an fali iha estrada ninin iha Dili laran,” ministru esplika.

Ho atetude husi espekulante sira ne’e, Ministru husu ba autoridade lokal atu tau matan no toma atensaun ba hahalok ida ne’e. “Fos MTCI fa’an ho folin $ 12 Amerikano kada saka 35 kilograma. Se iha ema balun fa’an ho folin liu husi presu ne’ebe determina tiha ona, hau husu ba autoridade lokal servisu hamutuk ho PNTL para halo kedas intervensaun,” nia sujere.

Ministru Gil Alves mos informa, la kleur tan MTCI sei fa’an fos ho folin $ 9 Amerikano kada saka 25 kilograma. MEDIA-MTCI