Alfandega Prende Foos Toneladas Rihun 7
MTCI TIMOR-LESTE
Direktira Jeral Ministeriu Turismu, Comersiu no Industria (MTCI) Muanuela G.B Corte-Real informa katak, Ministeriu Turismu, Comersiu no Industria fo apoiu ba servisu alfandega hodi prende foos ho marka MTCI toneladas rihun 7 husi Emprezario Tony Lay.
“Ita hotu tenke hakruk ba lei, tamba nasaun ida ne’e iha lei no ordem, tamba ne’e ba emprezariu ne’ebe mak halai ses husi lei, entau hau fo fiar maka’as ba Alfandega hodi prende”, hateten Muanuela G.B Corte-Real ba jJoralista sira iha salaun MTCI, Fomento Mandarin Dili, Kuarta Feira (9/2).
Muanuela G.B Corte-Real afirma katak, fos ho marka MTCI ne’e la’os foos ministerio nian, tamba ministeriu sidauk halo kontratu ida ho emprezario Tony Lay atu halo importasaun ba foos MTCI.
“Tuir informasaun katak, foos ne’e tama iha tinan 2009, emprezatio Tony Lay laiha kontratu ida ho MTCI ba importador foos nian, entaun ita konsideira katak foos ho marka MTCI ne’e la’os ministeriu nian, maibe seitor privadu nian”, nia afirma.
Tamba saida mak emprezario Tony Lay hakaak tau marka MTCI, tuir Muanuela G.B Corte-Real katak, emprezariu Tony Lay hakarak tau marka MTCI, karik ne’e iha intensaun ruma atu dizvia husi impostu, no ho razaun saida mak Alfandega ba lelan foos ne’e, entau emprezas ne’e iha intensaun la dun dia’ak ba importasaun foos ho maak MTCI, mos la’os fos Ministeriu Turismu, Comersiu no Industria niaN.
Muanuela G.B Corte-Real informa katak, MTCI hein informasaun mai husi Alfandega atu nune’e foos ho marak MTCI ne’e atu halo oinsa.
“Bazeia ba lei Alfandega ita tenki tuir lelan ou fo ajuda deit ba ema sira ne’ebe karensiadus (Pante Asuhan, red), entaun ida ne’e seidauk iha desijaun, depois iha desijaun ami Ministeriu pronto para atu kolebora ho Alfandega, atu haree foos ho marka MTCI iha emprezas Tony Lay”, nia sujere.
Muanuela G.B Corte-Real informa katak, iha tinan 2009 MTCI halo kontartu ho emprezas 17 ba importasaun foos MTCI, emprezas hirak ne’e iha rezista hotu-hotu mai ho ida-idak nia marka emprezario I depois ho foos marka MTCI, entaun foos nia kuantidade ne’e Ministeriu hatene katak, iha armazen ne’ebe mak sai hanesan stok Ministeriu nian..
“Ami la identifika foos Ministeriu nian, tamba ministeriu seidauk halo akordu kaontratu ho emprzariu Tony Lay para halo importasaun ba foos ho marka MTCI”, nia deklara.
Iha fatin seluk, Direktur Jeral Alfandega Cancio de J. Oliveira hateten katak, foos ne’e sei iha prosesu nia laran I wainhira prosesu ne’e hotu ona, entaun intrega ba Ministerio kompetente.
To’o noticia ne’e fo sai Jornal Nasional Diario seidauk iha konfirmasaun ho emprezariu Tony Lay. JND-02
