Folin Foos MTCI Hahu Normal Iha Mercado Dili
MTCI TIMOR-LESTE
DILI-Sirkulasaun no folin foos governu ho marka MTCI hahu normal iha Mercado Dili.
Tuir observasaun Jornalista Diariu Timor Post katak, iha capital Dili komesa Segunda (28/09) horseik, oras ne’e dadauk foos governu ho marka MTCI hahu faan ona iha Mercado capital Dili ho folin ne’ebe normal tuir presu ne’ebe governu determina $ 12.00 dolar kada saku 35kg.
Ba Jornalista vendedor Mario da Silva ne’ebe oras ne’e dadauk faan foos governu haktuir katak, oras ne’e foos governu sirkula normal fali ona iha Mercado capital Dili hafoin iha semana hirak liu ba governu deside hapara distribuisaun foos ba vendedro sira hodi diretamente intervene iha Mercado.
Mario mos informa katak, maske sirkulasaun no folin foos hahu normal fali ona maibe iha amiansa sirkulasaun foos MTCI iha Mercado capital Dili sei mamuk fali iha semana hirak nia laran oin mai.
Mario hateten tuir informasaun husi MInisteriu Turismo, Comersiu no Industria (MTCI) katak iha semana hirak oin mai sei hamenus distribuisaun foos hodi bele too 2010.
Nune’e mos Mari Carvalho vendedor nia reforsa katak, maske sirkulasaun foos governu iha Mercado capital Dili hahu normal ona.
Entertantu tuir observasaun diairu ne’e halo iha capital Dili , oras ne’e dadauk foos Governu ho marka MTCI hahu hikas fan ho folin $12 iha dalai bun iha area Fatuhada, Comoro, loja iha besik lampu tranjitu Bairo Formoza no mos dalan ninin atu sae ba estadio Monicipal Dili. (JND)
Jornal Nasional Diariu,
Edisaun Kuarta dia 30 de Setembru 2009
