MINISTÉRIO DO TURISMO, COMÉRCIO E INDÚSTRIA | MTCI TIMOR-LESTE

DILI-governu liu husi MInisteriu Turismo,Comersiu no Industria ho Polisia Nasional Timor Leste (PNTL) sei alerta fo ultimatum ba negosiantes ka empresarius ne’ebe manipula falin foos MTCI.
Kauze fulan ida ne’e nia laran, komunidade sira triste tanba empresarius inventa foos nia folin husi $12 dolar too $20 dolar kada saka 35kg.
Rajaun negosiantes/empresarius hasae folin foos provolta $18 too $20 kada saka 35kg, tamba governu la faan ona foos ba sira.
Nelson da Costa Gusmao nu’udar negosiantes kiik ne’ebe faan fos MTCI hatete ba STL iha komoro Dili Kuarta (16/09) katak, governu iha rajaun dun negosiantes sira inventa foos folin. Maibe governu haluha tiha katak, empresarius barka mak faan foos ba negosiantes kiik sira $14 dolar kada saka 35kg.
“governu faan foos ba ema empresarius ne’ebe lahatene folin hira maibe ami sosa tutan $14.50 kada saka. Polisia mai fo ultimatum baa mi horseik iha Komoro nian, dehan katak, polisia mai simu autorizasaun husi governu katak, tenki faan fos marka MTCI ho folin $12 dolar. Polisia mos dehan katak kuandu la halao tuir sei halo deklarasaun iha estasaun Polisia nia razaun saida mak ami faan karun,”dehan nia.
Cosme da Silva mos hatete katak, foos MTCI karun, tamba makanismu distribuisaun foos nian mak fraku. Tamba ne’e fo dalan ba negosiantes sira manipula foos nia folin tuir ida-idak nia gostu.
Fracisco Ximenes nu’udar konsumedores hatete, nia parte pronto kolabora ho governu no PNTL atu kontrola foos MTCI nia folin iha Mercado.
Observasaun jornalista STL nian iha terenu hatudu katak, hahu husi dader tuku 10:30 OTL, Polisia halao patrulha to iha Delta Komoro husu foos ne’ebe faan ho folin $ 15 dolar no polisia fo ultimatum ba sira katak, foos governu nian iha autorizasaun katak, labele faan liu $ 12 dolar. Kuandu faan liu presu normal maka, polisia sei kaptura hodi halao deklarasaun iha estasaun Polisia nian. (ino)

Jornal Nasional STL, Edisaun Kinta-Feira Dia 17 de Setembru 2009
Pagina 7