Jestor Armajen MTCI Kontrola Fa’an Foos
MTCI TIMOR-LESTE
DILI- Jestor Armajen Ministeriu Turismo, Comersiu no Industria Cosme Pereira Caldas, Tersa(08/09) horseik halo intervensaun direitamente ba Mercado objetivu atu netraliza tiha emprezario ki’ik sira tanba halimar ho presu foos nian halo komunidade susar atu hola foos.
Cosme hatete katak intervensaun direta nebe halo husi governu ne’e hanesan pasu ida atu hatudu ba komunidade sira katak foos nia folin nafatin ho presu governu nian nebe iha tiha ona.
“Intervensaun nebe MTCI halo ne’e to’o dia 10 setembru atu iterven deit ba komunidade katak foos nia folin ho $12,” katak cosme.
Jestor Armajen ne’e hatutan liu tan katak intervensaun ba liu komunidade ki’ik sira, para komunidade hola direitamente ho folin nebe standar $12 laos liu fali hanesan emprezariu sira fa’an.
Armajen sira nebe iha distrito Dili nian, hare direitamente ba distrito lima (5) no iha kedas estandarte/presu ba emprezariu sira hafoin fa’an fali ba konsumidor sira ho presu $12,00.
Cosme fo sai mos presu ba emprezariu sira nebe fa’an foos iha distrito no capital Dili rasik. Distrito nian, Aileu ($10,07), Oecuse ($8,69), Ermera ($10,03), Likisa ($10,30) no Maliana ($9,49), inklui mos distrito Dili ($10,65).(Mj7)
Notisia Jornal Nasional Timor Post
Kuarta, 09 de Setembru de 2009, Pag. 06
