MINISTÉRIO DO TURISMO, COMÉRCIO E INDÚSTRIA | MTCI TIMOR-LESTE

DILI- Hodi komemora loron Referendum Timor Leste nian ba dala 10, Ministeriu Turismo Comersiu no Industria organiza eventu Dili Trade Expo 2009. Komisau Organizadora ba eventu ne’e konvida banda UNDGO Angklung husi Bandung no artista Jass Dwiki Darmawan ne’ebe konesidu iha mundu doko capital Dili loron Sesta-Feira, iha antigu Mercado Lama, Dili.
MTCI servisu hamutuk ho ambaxada Indonezia konvida banda UDGO Angklung no Dwiki Darmawan hodi anima populasaun iha komemorasaun loron Referendum Timor Leste ba dala 10 iha antigun Mercado Municipal Dili (29/08).
Banda ne’ebe mak halao nia perfroma durante oras haat nia laran hetan antusiasmu makas husi populasaun kapitl Dili liu-liu juventude.
Wainhira halao nia intervensaun, MInistru Gil da Costa A. N Alves hateten, kontente ho partispasaun diak husi komunidade tamba liu husi sira nia performa bele anima juventude iha loron especial ne’e.
“Ohin hau haree difernsia boot liu husi loron hirak liu ba tamba ema barak tebes. Hau agradese ba ambaxada Indonezia ne’ebe iha hanoin atu lori artista husi Bandung (Indonezia) mai anima povu iha loron komemorasaun Referenum bad ala 10,”dehan Ministru Gil.
Minstru Gil, mos haktuir agradese mos ba UDGO Angklung no Dwiki Dermawan muzika ne’ebe konesidu iha mundu ho muzika Jass ne’ebe esforsu aan hodi fo kontente ba juventude sira.
“espera liu husi aprezentasaun ne’ebe mak banda UDGO no Dwiki Dermawan halao bele fo ispiritu foun ba Timor oan katak, liu husi Bamboo it abele prudus muzika,”tenik MTCI.
Iha fatin hanesan president komisaun Organizadora ba eventu Dili Trade Expo 2009 Marcio Rosa Lay hatete, objetivu husi komisaun organizadora hodi konvida Saung Angklung no Dwiki Dermawan atu hatudu parte seluk ida husi bambuu nia funsaung. Laos deit ba artesenatus maibe bele produs muzika ne’ebe mak furak.
“Dwiki Dermawan hanesan artista Jass ne’ebe mak famous iha indonezia no mos iha mundu. Kolaborasaun muizka ne’ebe mak nia hatudu ho saung Angklung fo kontribuisaun hodi harame aniversariu ba tinan 10 Referendum Timor Leste,”informa Marcio.
Marcio haklean katak, Timor oan sir abele banati tuir buat ne’ebe mak ita nia maluk husi rai Indonezia hatudu ba ita, produsaun bamboo sai muzika tradisional.
“Ami agradese tebes ba parte hotu ne’ebe mak fo apoiu ona ba eventu ida ne’e. ba suporta direta no mos indereta. Ba juventude ne’ebe mak kolabora diak ho komisaun organizadora hodi durante halao expozisaun ida ne’e laiha mosu konflitu ne’ebe mak grave,”konfesa Marcio.
Populasaun ne’ebe mak partisipa senti kontente ho konsertu ne’ebe mak organiza husi MTCI tamba liu husi konsertu ne’e bele hametin diak liu tan amizade entre povu Timor Leste no nasaun Indonezia. (Media/MTCI)