Negosiantes Foos MTCI Frustradu
MTCI TIMOR-LESTE
DILI-Negosiantes ne’ebe mak durante ne’e faan foos MTCI, oras ne’e dadaun frustradu boot tanba governu diretamente lori foos faan ba povu sira ho presu U$ 12 dolar/35kg.
“Ami agora la iha ona benefisiu no labele book aan faan foos MTCI, tanba governu mos tun dereitamente faan foos ba komunidade,”hateten Jacinta dos Santos, negosiantes faan foos MTCI ba STL iha Dili, kinta-feira (10/09).
Nia mos la simu ho desizaun MTCI nian ne’ebe hahu halo selesaun ba negosiantes ne’ebe durante ne’e faan foos.
Silvestri Freitas no Daniel da Costa mos rekonese katak, foos folin sa’e la’os manipulasaun husi negosiantes sira, tanba iha lei hateten klaru katak waihira negosiantes sira aumenta foos folin, maka polisia sei kaptura no hakotu kedas kontratu fa’an foos.
Daniel afirma katak foos folin durante ne’e sa’e to US$20.00, tanba MTCI mak taka duni dalan ba distribuisaun foos iha merkadu. Tanba ne’e, nogosiantes sira ne’ebe sei rai hela stok aumenta nia folin hodi bele tetu reajen husi governu.
To’o notisias ne’e hatun seidauk hetan konfirmasaun husi Direktora Jeral MTCI Manuela G.B Corte Real, tanba la iha fatin servisu no okupadu.lj13
Jornal Nasional STL Edisaun Tersa-Feira (15/09)
